Баланың мәктәпкәчә яшьтәге чоры – тирә-юньне йотлыгып өйрәнү, күп кичерешләрне үзенә туплау һәм кеше шәхесе формалашуда иң мөһим чор. Бу вакытта бала якын кешеләренең үз-үзен тотышын үрнәк итеп кабул итә, ә иң мөһиме – аралашу чарасы булган телнең төп нормаларын үзләштерә. Тәрбия эшендә 3 яшькә кадәрге чор аеруча җаваплы, чөнки бу вакытта баланың сәламәтлегенә, акыл үсешенә нигез салына. Аның акыл эшчәнлеге бик актив була.

Ата-аналар сабыйның акыл эшчәнлеген тагын да үстерү һәм камилләштерү буенча системалы эш алып барырга тиеш. Өлкәннәр бала белән никадәр иртәрәк шөгыльләнә башласалар, шулкадәр яхшырак.

Хөрмәтле тәрбиячеләр, ата-аналар сезгә “Сабыем” дигән файдалы сайт тәгдим итәбез!

Үзегезнең фикерләрегезне, теләкләрегезне, тәкъдимнәрегезне монда калдыра аласыз.