Тәрбияче булу әлеге һөнәр иясеннән иҗади сәләт тә, көндәлек җаваплылык та, кечкенә генә уңышны зур итеп кабул итә белүне дә таләп итә. Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый.  Сезнең кулда – шушы балаларның киләчәге. Аларның  тормышына сукмак бүгеннән салына. Шушы сукмактан кулга-кул тотынышып атлавыгыз, балаларга катлаулы тормыш серләрен гади генә итеп аңлата белүегез олы мактауларга лаек

Хөрмәтле тәрбиячеләребез!

Сезне чын күңелебездән һөнәри бәйрәмегез белән котлыйбыз!  Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!