Туган телдә сөйләшергә өйрәтү гаиләдә башлана һәм мәктәпкәче белем бирү учреждениеләрдә дәвам итә. Ул балаларга ана телендә тәрбия һәм белем бирү өчен мөмкинлекләр тудыру, халкыбызның рухи байлыгына, мәдәниятенә якынайту шартларында алып барыла.

Туган телгә өйрәтү, сөйләм үстерү бурычларын чишкәндә, өйрәтүнең төрле методлары, алымнары, чаралары кулланыла.

Бер -  өч яшьтәге балалар белән оештырылган эшчәнлек уен характерын ала.

Балаларның игътибарын туплау, эшчәнлеккә карата кызыксыну уяту, ял иттерә (релаксаөия) максаты белән, безнен Макыл балалар бакчасында шигъри әсәрләргә зур игътибар бирелә. Бу әсәрләрне укыганда балалар эчтәлегенә туры китереп хәрәкәтләр ясыйлар: “яфраклар, кар бертекләре кебек очалар”, кер юалар, чайкыйлар, сыгалар”, кояшны сәламлиләр”, кояш нурлары ясыйлар” һ.б.

Өйрәтү – методик комплекта тәкъдим ителгән материаллар балаларга туган телне өйрәтүдә һәм сөйләмен үстерүдә  бик зур ярдәм итәләр.