Ә без кибеткә бардык! Барыбыз да белгәнебезчә, бәләкәй балалар бик тә кибеткә йөрергә яраталар. Искитәсе түгел, чөнки кибеттән җаның ни тели, шуны алып була, бигерәк тә “телеңне йотарлык” – тәмле - тәмле төрле азыклар сайлап була! Ләкин, бу юлы (26.02.2016 елда) Югары Осланның “Кояшкай” балалар бакчасындагы зурлар төркеменең тәрбияләнүчеләре, татар теле дәресендә, “җиһазлар кибете” дигән уен уйнаганда, янәсе җиһазлар кибетенә бардылар. Кибеттә алар башта кибетчеләр белән исәнләшеп, хәлләрен сораштылар, ә ахырдан үзләренә кирәкле төрле төстәге һәм зурлыктагы җиһазлар сайлап алдылар. Балаларга, әлбәттә, бик тә күңелле булды! Әйдә кибеткә барыйк, Әйдә җиһазлар сайлыйк! Өстәлләр,урындыклар Һәм матур караватлар!