Иске елны озатып яңа елны каршы алырга әзерлек эше бакчабызда гөрләп бара. Шигырьләр, җырлар, күп төрле биюләр өйрәнелә, бакчабыз биләмәсе ямьләндерелде, үзенчәлекле итеп төркемнәр бизәлде. Бәйрәмгә әзерләнүдә әти-әниләребезнең кул эшләре үз урыннарын алды. Берсеннән-берсе матур итеп бизәлгән чыршылар, Кар бабай, Кыш бабай, Кар кызы, үтеп баручы һәм якынлашып килүче елларның символлары күргәзмәгә куелды. Күргәзмәдә катнашкан һәр әти-әнигә рәхмәтебезне җиткерәбез, иҗади уңышлар теләп калабыз.