Педагог В. А. Сухомлинский болай дигән: "Балаларның сәләтләр чыганаклары - аларның бармак очларында". Нейтробиология һәм психология галимнәре сөйләм үстерү һәм куллар вак моторика арасында бәйләнеше булуы турында исбатладылар. Әлбәттә бала сөйләмен комплекста үстерергә кирәк: күп һәм актив аралашырга, укырга , сурәтләр күрсәтергә һәм шуңа өстәп, вак моториканы кулланырга. Безнең балалар бакчасында көн саен мондый төрдәге дәресләр үткәрелә. Мәсәлән –каләмнәр ярдәмендә массаж, төрле ярмалар белән (карабодай ,дөге), уеннар, ком, хисап таяклары һәм башкалар. Әмма иң яраткан шөгыльләре - мәрҗән җыю. Балалар озак һәм бик теләп җепкә тәрле төстәге, төрле буйдагы мәрҗәннәрне тезәләр. Бу күнегүләр игътибарлыкны үстерә, баланы тынычландыра.