Елдагыча бердәм дәүләт имтиханнарын (БДИ) үткәрү пункты Биектау муниципаль районында 3 нче Биектау урта мәктәбе базасында  планлаштырыла. Пункт стационар металлорамка һәм оn-line режимында эшләүче видеокүзәтү системасы белән җиһазландырылган. Имтиханнар үткәргәндә "аудиториядә имтихан материалларының тулы комплектларын бастыру" һәм "сканерлау"  технологияләре кулланыла. Имтихан барышын Россия яшьләр берлеге һәм Татарстан Республикасы Югары уку йортларының студентлар берләшмәсе вәкилләре арасыннан җәмәгать күзәтүчеләре тикшереп торачак. БДИ санитар-эпидемиологик рекомендацияләр, кагыйдәләр һәм нормативларны исәпкә алып узачак.

Агымдагы 2022 елда БДИда 150 кеше катнашачак,шуларның 13е - узган еллар чыгарылышыннан. Иң күп имтихан катнашучылар рус теленнән – бу урта гомуми белем турында аттестат алу өчен мәҗбүри фән һәм аның нәтиҗәләре югары уку йортына  теләсә кайсы юнәлеш буенча керү өчен кирәк. Рус телен 137 катнашучы тапшырырга планлаштыра. Аттестат алу өчен икенче мәҗбүри фән - математика. База дәрәҗәсендәге имтиханны 65 кеше, профильле имтиханны 70 кеше сайлаган. Җәмгыять белеме иң популяр фән булып кала, аны быел 66 укучы тапшырырга планлаштыра. Биология популярлыгы буенча икенче ел физикадан алда бара, әлеге фәннәрне тапшыруга 22 һәм 20 кеше теркәлгән. Информатика һәм ИКТ буенча БДИны 14 кеше тапшырырга планлаштыра, бу имтихан узган елдан компьютер форматында үткәрелә. 17 катнашучы тарих буенча БДИ тапшырырга, 12 кеше – химия, 2 – әдәбият, 1 - география тапшырырга планлаштыра. 15 укучы инглиз теле буенча БДИ тапшыру өчен теркәлгән.

2022 елда БДИ өч чорда үткәреләчәк: вакытыннан алда (21 марттан 15 апрельгә кадәр), төп (26 майдан 2 июльгә кадәр) һәм өстәмә чор (5 - 20 сентябрь).