Хөрмәтле  хатын - кызлар!

      Сезне 8 март – гхатын-кызларыбыз бәйрәме белән тәбриклибез. Шушы гаҗәеп гүзәл бәйрәм көнендәге елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек китмәсен. Тормышыгыз якыннарыгызның күңел җылысы һәм игътибары белән тулып торсын, Ходай сезне үз шәфкатьлелеге, рәхмәтеннән ташламасын, өстәлләрегез ямьле, аш-суларыгыз тәмле, гомерегез озын, бәхет-шатлыкларга тулы булсын.

Гүзәл затлар, сезгә дип багышлап,

Күпме җырлар иҗат ителә.

Ай-кояшка, йолдызларга тиңләп,
Моң агыла йөрәк түреннән.

Тормыш бүләк иткән аналарның

Җан җылысын тоеп туймаслык

Сабырлыгы, изгелеге өчен,

Һәрберсенә һәйкәл куярлык

Булмас иде тормыш сездән башка
Бушап калыр, сүнәр дөньясы,

Җир йөзенең серле чәчәкләре,

Гөлләре сез, сөеп туймаслык.

Биргән Ходай сезгә нечкә күңел

Зирәк акыл, мулдан тапкырлык

Ир-ат җилкәләре сыгылырлык

Авырлыкны җиңәр батырлык.

Бәйрәмегез белән, гүзәл затлар,

Бәхет кояшыгыз сүнмәсен

Җаннарыгыз тыныч булсын иде,

 Кайгы-хәсрәт сезгә тимәсен!