Укучылар бүген бик тырышып  ГТО нормаларын тапшырдылар.  Хәзер безгә  район күләмендәге нәтиҗәләрне генә көтәсе кала.

Бүген Кооператив институты вәкиле  9,11 сыйныф укучылары белән  очрашты. Ул үзләренең уку йорты белән  таныштырды. Чыгарылыш сыйныф укучыларын үзләренә укырга чакырды.

Экология елы уңаеннан "Макулатура җый, агачны коткар"-дигән акция булып узды. Укучыларыбыз  тырышып макулатура җыйдылар. Актив катнашучы сыйныфлар: 1-4, 5-7, 11 сыйныфлар. Акциядә катнашучы укучыларыбызга бик зур рәхмәт!

9 сыйныф укучысы Залалиева Эльмира район этабында  уздырылган "Живая классика"-дип исемләнгән проза әсәрләрен сәнгатьле сөйләү буенча 1 урын алды. Ул хәзер республика этабында катнашачак. Без аңа зур уңышлар телибез.

Терроризм, экстремизмга каршы декада кысаларында бүген эвакуация оештырылды. Укучылар һәрберсе каян, ничек чыгуны яхшы белделәр. Укучылар һәм укытучылар бик кыска вакыт эчендә бер нинди куркуларсыз мәктәптән чыгып тезелделәр. Һәр сыйныф җитәкчесе мәктәп директоры Марат Радиковичка рапорт тапшырды.  

Террроризм, экстремизм каршы чаралар планы нигезендә 9-11 сыйныфларда  "Күпмилләтле дөнья яшьләр күзлегеннән"-дип исемләнгән түгәрәк өстәл артында сөйләшү булды.  Әңгәмәне Фирдәвес Әхәтовна  оештырды. Укучыларга темага кагылышлы сораулар бирелде, аларның фикерләре тыңланды. 

6-7 сыйныф укучылары терроризм, экстремизм турында видеофильм карадылар. Видео буенча әңгәмә оештырылды.

Мәктәбебезгә бүген Рушан хәзрәт килде. Ул укучыларга үзенең вәгазьләрен җиткерде. Вәгазьләре укучыларның күңеленә үтеп керерлек булды. Ялганламау, тупас булмау,  өлкәннәрне хөрмәт итү, кечкенәләргә ярдәм итү, миһербанлы булу , әти-әниләрне ярату һәм башка мөһим сүзләр әйтелде. 

Егетләребез 8 март-халыкара-хатын -кызлар көненә карата концерт куйдылар. Яңгыраган матур җырлар, дәртле биюләр, скетчлар барысы да гүзәл затларга багышланды. 

5 -6 сыйныф укучылары тарафыннан "Без терроризмга каршы!"-дип исемләнгән рәсем күргәзмзсе оештырылды.