Туган ил, туган җиргә мәхәббәт, ата-бабаларыбыз батырлыгына дан белән сугарылган җырларны тыңлаганда, күңелне әйтеп бетергесез горурлык биләп ала. Оборона-масса айлыгы  кысаларында узган "Виктория-2023" патриотик җырлар фестиваль-бәйгесендә катнашучылар жюри һәм тамашачыларда бу бөек хисне кузгата алдылар.

Әлеге бәйге укучыларга хәрби-патриотик тәрбия бирү һәм яңа талантлар ачу максатларында үткәрелә. Сәхнәдә 1-11 нче сыйныф укучылары төрле еллардагы иң популяр җырларны башкарды. “Әти-бабаларыбыз шуларны җырлап утка кергәннәр, илебезне дошманнардан азат иткәннәр. Без алар батырлыгын онытырга тиеш түгелбез, - дип сөйләде чараны оештыручы,иганәче ТИН укытучысы И.М.Ибатуллин һәм педагог-оештыручы Фаттахова Г.В.

Фестивальдә 7 нче сыйныф укучылары – 1, 3 нче сыйныф – 2, 11 нче сыйныф укучылары 3 нче урынга лаек булды. Җиңүчеләр дипломнар һәм акчалата премияләр белән бүләкләнде.

 “Барлык катнашучы укучыларга, җиңүчеләргә, аларны хәзерләгән сыйныф җитәкчеләренә, оештырган И.М.Ибатуллинга зур рәхмәтемне җиткерәм. Әлеге җырларны күз яшьләрсез тыңлап булмады. Сез дә, укучылар, әти-әниләрегезне тыңлагыз, аларга борчу китермәгез. Аларның күзләрендә сезнең өчен шатлык яшьләре генә булсын,”- дип, мәктәп директоры Ф.А.Фәттахов чыгыш ясады.

Шулай ук әлеге бәйгедә жюри составында катнашкан Мәмдәл һәм Юртыш мәдәният йорты хезмәткәрләре – Гөлгенә Сиразиева, Энҗе Якупова,Гөлнур һәм Радик Зариповларга зур рәхмәтебезне җиткерәбез.