22 нче декабрь - татар театрының туган  көне. Шул уңайдан, татар теле һәм әдәбияты укытучысы Л.И.Җамалиева укучыларны театр тарихы, артистлар белән таныштырды; презентация каралды

Фән олимпиадаларының район туры тәмамланды. Укучыларыбызны һәм аларны хәзерләгән укытучыларыбызны җиңүләре белән котлыйбыз. Менә алар: рус теленнән Гайнуллин Динар – призер, укытучысы – Абдуллина Ф.М.; физкультурадан Фатыйхова Гөлнара  - җиңүче, Гиззатуллин Илназ, Сәйфуллина Эльмира, Шакиров Рамил – призер, укытучылары – Фәттахов Ф.А.; татар теле һәм әдәбиятыннан Фатыйхова Алия – җиңүче, Гарипов Илгиз, Галиева Дилбәр, Вахитова Илүзә, Зәйнуллина Аида –призер, укытучылары Җамалиева Л.И.; Сафиуллин Марат – җиңүче, Сәйфуллина Илүзә – призер, укытучылары – Сафиуллина В.Р.

Яңа гасыр телеканалы “Әдәби хәзинә” тапшыруының бер чыгарылышын драматург Хәй Вахитка багышлады. Әлеге тапшыру мәктәбебездә төшерелде. Татар теле һәм әдәбияты укытучысы Л.И.Җамалиева, укучы кызларыбыз Вахитова И., Фатыйхова А., Галиева Д. тапшыруда  катнаштылар.  Х.Вахитның туган көне уңаеннан, әлеге тапшыруны карадык һәм фикер  алыштык. 

Китапханәче  Вәлиева Н.А. драматург Хәй Вахитка багышланган  китап  күргәзмәсе оештырды.

18-20 нче декабрь көннәрендә 5 укучыбыз "Байтик"та яңа ел алды каникулларында булып кайтты. Укучыларыбыз ял итеп, көч туплап кайттылар. 

Без Яңа елга әзерләнәбез. Мәктәптә сыннар конкурсы игълан ителде.  Укучыларыбыз   әлеге конкурста бик теләп катнашалар.

Химия укытучысы Ибатуллин И.М. укучылар белән КВН үткәрде. 8-11 нче сыйныф укучыларының 4 командасы үзара ярыштылар. 1 нче урында – 10 нчы сыйныф укучылары, 2 нче урынны 8,11 нче сыйныф укучылары бүлеште; 9 нчы сыйныф укучылары – 3 нче урында. Бәйгедә катнашучыларны котлыйбыз!

Бүген тәрбия сәгатьләрендә "Яктылык" һәм "Безнең тормышыбызда яктылыкның әһәмияте" темаларына әңгәмәләр, диспутлар үткәрелде

  Бүген мәктәптә “Химия” фәне  атналыгы башланып китте. Атналык кысаларында укучыларны Казан химия мәктәбе галимнәре белән таныштыру оештырылды.

«Технология атналыгы»кысаларында бүген мәктәптә “Ягез әле, кызлар!” дип аталган КВН ярыш булды.  6-7 сыйныф кызлары үзләренең уңганлыкларын, булганлыкларын күрсәттеләр. Алар бәйрәмгә чакыру да яздылар, бәлеш тә пешерделәр, салат та ясадылар, кунакка барырга причёска да ясадылар, галстук та тактылар һәм башка ярышларда бик теләп катнаштылар.Бәйгедә 6 сыйныф кызлары җиңү яуладылар.Кызларыбызны җиңүләре белән котлыйбыз һәм барысына да уңышлар телибез.