Филиал муниципального бюджетного общеобразовательного учреждения "Ямашурминская средняя общеобразовательная школа Высокогорского муниципального района Республики Татарстан"- "Куркачинская начальная общеобразовательная школа Высокогорского муниципального района Республики Татарстан"
Визитная карточка
| Адрес: | 422730, РТ, Высокогорский район, с. Куркачи, ул. Центральная д.38а |
| Телефон: | +7(843)-657-08-29 |
| E-Mail: | SnKurkachi.Vsg@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Куркачинская НОШ" |
| Руководитель: | Калимуллина Алсу Ильгизаровна |
| Год основания учреждения: | 1954 |
| У нас учатся: | 32 ученика |
| У нас учат: | 6 учителей |
-
Россия флагы көне. 22.08.2019
Бүген – Россия флагы көне. Әлеге истәлекле көн уңаеннан мәдәният йорты хезмәткәре Эльза Фәлвәт кызы мәктәп укучылары һәм 1 нче сыйныфка керүче балалар белән чара уздырды . Балаларга әләмдәге һәр төснең мәгънәсе аңлатылды. Ак төс – ул азатлык һәм мөстәкыйльлек, зәңгәр – ышаныч һәм рухият, кызыл – бөеклек һәм көч-куәт. Ак, зәңгәр, кызыл төстәге әләм илебездә яшәүче күпмилләтле халкыбызны дәүләтчелегебез, милли хокукларыбызны яклау һәм буыннар бәйләнешен саклап калу омтылышында берләштерә. Россиянең төп символлары – флаг, гимн һәм гербның барчабыз өчен дә һәрвакыт мөһим буласына ышанабыз, – дип сөйләде Эльза Фәлвәт кызы.Аннан мәдәният хезмәткәре белән берлектә балалар презентация карадылар. Соңыннан балалар белән төрле уеннар оештырылды .
-
Балалар сабан туе. 01.06.2019
Балаларны яклау көне уңаеннан авылыбыз мәдәният йорты янында салынган спорт мәйданчыгында балалар сабан туе уздырдык. Балалар сабан туе үткәрү авылыбызда матур гадәткә әверелде. Быел ул тагын да күләмлерәк, эчтәлеклерәк һәм бик тә оешкан төстә узды.Сабантуй булгач, милли уеннарсыз, күңел ачуларсыз буламыни ул?! Шуны гына көткәндәй, уеннар башлануын алып баручылар игълан итүгә үк, бала-чага мәйдан уртасына ашкынды. Кемдер тизрәк, авызында кашык белән йомырка куеп йөгерергә, кайсыдыр таяк тартышырга һәм чүлмәк ватырга алынды. Кыскасы, барысы да уен уйнап, аннан алган бүләккә шатланды.
-
1 нче июнь - Халыкара балаларны яклау көне. 01.06.2019
Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп ала. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп, җаваплыгыбызны барлап тора. Чөнки үсеп килүче буын – ул безнең киләчәгебез, илебезнең киләчәге. Без алар хакына яшибез. Балаларыбызны мәрхәмәтле һәм кешелекле булырга өйрәтү – изге бурычыбыз.Барлык сабыйларны бу якты бәйрәм белән котлап, исән-имин булуларын, әти-әниләрен тыңлап, тәртипле булуларын теләп калабыз! Илләр-көннәр тыныч булсын, баш өстендә аяз һава һәм кояшны кара болытлар капламасын иде!
