Бүген Дөбъяз "Гөлчәчәк"   балалар бакчасының зурлар төркеме балалары тәрбиячеләр Гайфуллина Л. Ф. һәм Аминова Л. Р. җитәкчелегендә Дөбъяз мәктәбенең туган якны өйрәнү музеена экскурсиягә килделәр. Дөбъяз "Гөлчәчәк" балалар бакчасы туган телне өйрәнүгә багышланган проектлар бәйгесендә "Музей педагогикасы татар халкының телен, рухи мирасын һәм мәдәниятен саклау чарасы" дип аталган проект белән җинү яулаганнар иде. Музей педагогикасын тормышка ашыру эше "Гөлчәчәк" балалар бакчасында дәвам ителә. Шул уңайдан балаларны районыбызның  музейлары белән таныштыру эше дә алып барыла. Бүгенге экскурсиядә балалар мәктәбебезнең музее һәм авылыбызның тарихы белән таныштылар.