18 нче ноябрь көнне мәктәбебезнең актлар залында Парламент дәресе булып узды. Укчылар төрле законнар турында кызыклы һәм файдалы мәглүматлар алдылар. Дәресне Тарих укытучысы Сибгатуллин Илдар Ибрахим улы алып барды.

     28 нче октябрь көнне мәктәптә 5-8 нче сыйныфлар өчен "Көзге калейдоскоп" дигән исем белән көзге бал бәйрәме булып узды. Һәр сыйныфлар да бик теләп катнашты. 1 нче урынны 5 нче сыйныф укучылары алды.

Мәктәбебездә М.Ю. Лермонтовка 200 яшь тулу уңаеннан әдәби музыкаль кичә булып узды.

Укучыларның көзге бал бәйрәменә багышланган кул эшләре барыбызга да бик ошады.

   Безнең укучыларыбыз  технология дәресендә нинди генә һөнәрләрне үзләштермиләр: тегү, чигү, бәйләү. Ә 25 нче октябрь көнне 5 нче сыйныф кызлары үзләрен аш-су өлкәсендә сынадылар. Алар "венегрет" салаты ясап үзләренең сыйныф егетләрен сыйладылар.

   Без укучылар белән якташыбыз Александр Григорьевич Кузьминга багышланган митингта булдык. 

20 нче октябрь көнне мәктәбебездә "Без мультфильм төшерәбез" дигән темага мастер-класс үткәрелде. Укучылар мультфильм төшерү серләренә өйрәнделәр.

  14 нче октябрь көнне мәктәбебездә глава спартакиадасы булып узды. Барлык укучылар да бик теләп катнаштылар.

      1 нче октябрь көнне мәктәбебездә өлкәннәр һәм укытучылар көненә багышланган бәйрәм концерты булып узды. Бу концертка һәр сыйныф укучылары бик теләп катнашты. Залда утыручы укытучыларның йөзләрендә елмаю иде.

   23 нче 25 нче сентябь көннәрендә һәр сыйныфта "Наркоманиягә юк дип әйтик" дигән темага класс сәгатьләре үткәрелде. Класс сәгате тагын да эчтәлелерәк, нәтиҗәлерәк булсын өчен махсус чакырылган кунагыбыз, авлыбызның педиатры Губаева Ләлә Ильдус кызы да укучылар белән әңгәмә үткәрде.