2019 - 2020 нче уку елының

беренче яртыеллык нәтиҗәләре буенча

мәктәптә ата-аналар җыелышы булды.

Укучылар, Абдуллина Г.Х. җитәкчелегендә,  авылдашыбыз,

хезмәт ветераны, шушы көннәрдә 90 яшен тутырган

Зарипов Госман абыйны юбилее белән котладылар.

27 нче декабрьдә балалар өчен районкүләм "Чыршы бәйрәме"

уздырылды. Айбаш төп мәктәбеннән дә уку алдынгылары

бу чарада күңел ачып, ял итеп кайттылар. Район башлыгы

Р.Г.Кәлимуллинга бәйрәм өчен бик зур рәхмәт!

Балаларның көтеп алган Чыршы бәйрәме җитте.

Укучылар Яңа ел бәйрәменә бик тырышып әзерләнделәр,

шуңа күрә бәйрәм искиткеч күңелле булды. Алда - каникуллар.

Укуда һәм ялда да уңышлар сезгә, кадерле укучылар!

Муниципаль олимпиадада - тагын бер җиңүче!

Рус әдәбиятыннан татар мәктәбенең 8 нче сыйныфлары

арасында иң яхшы күрсәткеч - безнең мәктәп укучысында!

Укучыга һәм аны әзерләгән Лотфуллина А.Н.га рәхмәт белдерәбез.

Муниципаль олимпиадалар тәмам. Укучыларыбыз

матур нәтиҗәләр күрсәттеләр. Ике җиңүчебез (татар теле һәм 

әдәбияты), бер призерыбыз (биология) белән горурлана алабыз.

Укучыларга, укытучыларына киләчәктә дә уңышлар телибез.

Башлангыч сыйныфлар укытучысы Гайнуллина Л.Н. 

"Туган җирем - Татарстан" темасына ачык тәрбия сәгате 

уздырды. Укытучы җитәкчелегендә балалар татар халкы 

турында күп мәгълүмат алдылар, үзләре дә актив катнаштылар.

Мәктәбебезнең татар теле һәм әдәбияты укытучысы

Низамиева Ә.Н. туган телләрне куллануның торышы 

турындагы Халыкара конференциядә катнашты, 

татар телен яклап чыгыш ясады.

"Ел укытучысы - 2020" конкурсының финалына үткән

татар теле һәм әдәбияты укытучысы Низамиева Ә.Н. 

мастер-класс күрсәтте, туган тел укытучылары арасында

2 нче урын алды. Коллегабызны котлыйбыз!

9 нчы декабрь - Ватан геройлары көне. Бу көнне мәктәптә 

тәрбия сәгатьләрендә герой пионерлар, "Кайнар йөрәкләр"

китабына кертелгән батырлар белән таныштылар.