17 гыйнвар көнне Теләче районы Югары Кибәхуҗа урта мәктәбендә район мәгариф бүлеге хезмәткәрләренең гыйнвар киңәшмәсе булып үтте. Киңәшмәнең темасы: “Компетентлы шәхес тәрбияләүгә шартлар тудыру”.  Семинар-киңәшмәнең беренче өлешендә ачык дәресләр булып үтте.   2 класста математикадан Шогаепова Р.Р.,  3 класста татар теленнән Каримуллина М.М., 7 класста татар теленнән Афзалова Г.Җ.,  7 класста инглиз теленнән Галимбекова С.Г., 8 класста математикадан Замалутдинова А.Р., 9 класста җәмгыять белеменнән Хасаншина З.Р., 10 класста рус теленнән Галимова С.М., 11 сыйныфта татар теленнән Низамутдинова В.А. ачык дәресләр бирделәр.  Киңәшмәнең икенче өлеше актлар залында үтте.  Югары Кибәхуҗа урта мәктәбе директоры Миннекаева Г.Г. ның “Компетентлы шәхес тәрбияләүгә шартлар тудыру” темасы буенча чыгышы, Теләче Башкарма комитетының мәгариф бүлеге җитәкчесе Гарипов Рөстәм Хәмитовичның “Беренче яртыеллык нәтиҗәләре” буенча чыгышы тыңланды. Киңәшмә ахырында укучылар көче белән әзерләнгән “Туган ягым гүзәл гөлбакча” дип исемләнгән концерт куелды.   Мәктәп фойесында өстәмә белем бирү түгәрәкләренең кул эшләреннән әзерләнгән күргәзмәсе оештырылды.