Югары Кибәхуҗа урта мәктәбендә "Туган телем - иркә гөлем!" дип исемләнгән тәрбия сәгате үткәрелде. Татар теле – безнең милли телебез. Без шушы телдә сөйләшеп аңлашабыз, белем һәм тәҗрибә туплыйбыз. Шуңа күрә без туган телебезне яратабыз,аны бик яхшы белергә, әдәби телдә сөйләшергә тырышабыз. Сүз байлыгы чикле булса, теләгән фикереңне аңлатып бирүе бик авыр. Шуңа күрә гомуми әдәби телне үзләштерергә - күп укырга, хәтердә калдыра барырга кирәк. Туган тел – халыкның, милләтнең иң беренче, иң әһәмиятле билгесе. Тел бетсә, ул телнең иясе булган халык та, милләт тә югала. Шуның өчен дә туган телен кадерләп саклау, үстерү, аның сафлыгы, матурлыгы өчен көрәшү – мәдәниятне, зыялы һәр кешенең изге бурычы. Укучылар тәрбия сәгатендә мәкальләрнең ахырын язып бетерү, яңгыраган шигырьләрнең исемнәрен атау, табышмакларга җавап табу ярышларында катнаштылар.