Сабантуй ел саен көтеп алына торган шатлыклы вакыйга.Ул борынгы заманнарда ук язгы сабан һәм муллык бәйрәме буларак барлыкка килгән һәм милләтебез тормышының гүзәл бизәгенә әверелгән.Сабантуй бәйрәме милләтебезнең уңганлыгы, киң күңеллелеге, рух күтәренкелеге ул.  7 июнь көнне  безнең Иске Җөри авылында да татар халкыбызның милли бәйрәме булган сабантуе гөрләп узды.Сабантуй мәйданы җыр-биюдән яңгырап торды.Моны сабантуйның алып баручылары мәктәбебез директоры Рафис Мубаракшин һәм  Илшат Вакказов бик матур итеп оешырдылар.Яше карты һәм дә балалар төрле кызыклы уеннарда катнаштылар. Мәйдан уртасында батырлар Сабантуйның кадерле бүләге тәкә өчен көч сынаштылар.Сабатуй бик матур һәм күңелле дәвам итте.Ахырдан Сабантуйның абсолют батыры билгеле булды.  Ул-Сафин Алмаз Олы Тиләҗе егете. Әфәрин Алмаз !