Юл хәрәкәте балалар өчен дә, өлкәннәр өчен дә –  бер үк. Җәйге чорга аяк бастык. Юл-транспорт вакыйгасы статистикасы балалар юл-транспорт травматизмының каникул вакытларында кискен артуын күрсәтә. Балаларда транспорт культурасын тәрбияләүдә, шулай ук юлларда балаларның иминлеген тәэмин итүдә дә ата-аналар хәлиткеч роль уйныйлар. Бүген бакчабызда Теләче районы буенча  ЮХИДИ инспекторы Каримуллин И.Х. балалар белән әңгәмә үткәрде. Юл билгеләрен,велосипедта кайдан,ничек йөрергә мөмкин икәнлеген исләренә төшерде. Балалар үз чиратында инспектор абыйларына, үзләрен кызыксындырган төрле сораулар бирделәр. Очрашу һәркем өчен дә мәгьлумати һәм кызыклы булды.