Тукай! Нинди бөек исем! Бу исем безнең йөрәкләрдә.Бу исем йолдыз булып,нур чәчеп тора. Тукай туган илен,халкын сөюче чын патриот,үз иленең табигате,урман-кырлары,елга- чишмәләре, киң болын-тугайлары,авыл-шәһәрләре турында җылы хис белән язылган әсәрләре белән безнең күңелләрдә тирән кереп урнашкан.Тукай беренчеләрдән балалар өчен әдәби әсәрләр иҗат иткән.Ул балалар өчен язган әсәрләрендә балаларда иң матур кешелек сыйфатлары тәрбияләүне бурыч итеп куя. Тукай балаларның матур, мул тормышта яшәүләрен күрергә тели, аның гүзәл шигырьләре балаларны батыр, кыю, тугрылыклы булырга, хезмәт сөяргә, тырышып укырга чакыралар.

26 апрель көнне , без  бөек шагыйребез Габдулла Тукайның туган көнен билгеләп үтәбез.Шул уңайдан безнең Иске Җөри  балалар бакчасында тәрбияләнүче балалар белән дә үз изоляция вакытында  төрле эшләр башкарылды.Балалар Тукай әсәрләре буенча рәсемнәр ясадылар,аның шигырьләрен яттан өйрәнделәр.Балаларның матур итеп  сөйләгән шигырьләре белән  видеоролик та эшләдек..Әти –әниләр дә бик тырышып балаларын әлеге чараларга  әзерләделәр.