Балалар бакчада күп төрле уеннар белән  мавыгалар, соңгы арада алар бик яратып өстәл уеннарын уйныйлар. Өстәл уеннары уйнау балаларда татулык, бер-береңә ярдәмләшү, матур итеп аралаша белү күнекмәләрен үстерә. Балаларның әйләнә-тирә турындагы белемнәре арта, сүзлек запаслары байый. Мәктәпкә әзерлек төркеме балалары уртанчылар төркемендә тәрбияләнүче балаларга уен кагыйдәләрен аңлаталар, ничек итеп дөрес "адым" ясарга, көндәшеңне җиңәргә өйрәтәләр. Балалар арасында кызыксынучанлык, дустанә мөнәсәбәт арта.