Саулыгың бит үз кулыңда,

Чыгарма тик исеңнән.

Һәрчак хәрәкәттә булып

Яшә, эшлә бүгеннән.

Шул максатны алга куеп

Без үсәбез гөр килеп,

Һәр нәрсәдән ямь табабыз,

Яшибез җаен белеп.
Сөенеп көтеп алабыз

Һәрчак физкультураны..

Ныгытабыз сөякләрне,

Һәм мускулатураны.
Хәрәкәтнең бөтен төрен

Ясыйбыз сизмичә дә.

Үреләбез, иеләбез

Без эһ-эһ итмичә дә.
Әз генә вакыт булдымы,

Биергә тотынабыз.

Ялкаулыктан ансат кына

Без шулай котылабыз.



Сәламәтлекнең нигезен

Хәрәкәт тәшкил итә.

Шуңа күрә безнең көннәр

Гел хәрәкәттә үтә.

Сезгә эндәшеп калабыз:

Безнең арттан калмаска.

Бәрәкәтле хәрәкәттән

Һичкайчан аерылмаска