Бүген безнең Иске Җөри  балалар бакчасында җәйге чорда балаларның иминлеген тәэмин итү максатыннан ата-аналар җыелышы булды. Балалар бакчасы мөдире Фәләхиева Алсу . әти-әниләргә балаларның  суга бату, урман бете кадалу, янгын һәм теракт куркынычларыннан саклау һ.б. очраклардан саклану өчен киңәшләр бирде. Республикада балалар белән килеп чыккан бәхетсезлек очраклары белән таныштырды. Әти-әниләрне һәрчак уяу булырга чакырды, инструктаж үткәреп куллар куйдырды.

Җыелышта Саба районыннан килгән ЮХИДИ хезмәткәре Закиров Динар    катнашты. Ул әти-әниләргә юл  йөрү кагыйдәләрен бик нык сакларга кирәклеген кисәтте. Республикабызда булган юл фаҗигаләре турында видеороликлар күрсәтте. "Балаларыбызны бергәләп, кече яшьтән юл кагыйдәләрен төгәл үтәргә өйрәтик", - диде ул, үз чыгышында.