Июнь ае сабантуйлар  ае.  Сабантуе – татар халкының  борынгы бәйрәме. Шушы уңайдан, безнең  Иске Җөри балалар  бакчасында, әти – әниләр арасында рәсем конкурсы үткәрелде. “Сабантуйның  милли уеннары” дигән темага әти – әниләр  үзләре ясаган рәсемнәрен  алып килделәр. Бу рәсемнәрдә татар халкының  милли уеннары: көрәш, чүлмәк вату, аркан тарту,  ат чабышы һ.б сурәтләнгән иде. Шулай итеп, балалар  әдәбиятта һәм сәнгать әсәрләрендә милли бәйрәмебез – Сабантуе  күренешенең ничек чагылуы белән танышып үттеләр. Без барлык  әти – әниләргә зур рәхмәтебезне җиткерәбез.

            Сабантуй (Э.Шәрифуллина)

Сабантуймы, Сабантуй –

Уеннар туе бит ул,

Тәм-томнар сые бит ул,

Җиңүләр уе бит ул.

Чаптар өстендә чабып,

Катыктан тәңкә табып,

Колга башына менеп,

Узышлыга йөгереп

Һәм татарча көрәшеп,

Аркан белән сөйрәшеп,

Ватмый йомырка ташып,

Тапкырлыкта сынашып

Җиңсәң әгәр,

Сабантуй –

Эчкә шатлык

сыймас туй!