Ата-Бүген Шәдке балалар бакчасында ата-аналар җыелышы булды. Җыелышның төп темасы: "Балаларны төрле куркынычлардан бергәләп саклыйк" иде. Җыелышка фельдшер Шамсутдинова Рәмзия  Габдулловна кызы да чакырылган иде. Ул үзенең чыгышында ата-аналарны "Гриппка каршы профилактика чаралары" белән таныштырды. Иң мөһиме вакытында гриппка каршы прививка ясатырга, гигиена- санитария кагыйдәләрен төгәл үтәргә, халык күп җыелган урыннарда сак йөрергә, маска кияргә кирәклеген әйтте. Рамзия Габдулловна Һәрвакыт балаларны без сакларга тиеш, таләпләрне төгәл үтәргә кирәк диде.

     Бакча мөдире әниләргә юлда булган һәвефләр турында сөйләде. Юл кагыйдәрен белгәндә генә, гаиләдә балаларга аңлату эшләре булганда гына барыбызда исән- имин булырбыз диде. Бу уңайдан балалар бакчасында белгечләр белән ел дәвамында үткәрелеп бара торган чараларның мөһимлегенә басым ясады.

     Тәрбияче Касимова Гузалия Сайфулловна  янгын куркынычсызлыгының төп кагыйдәләрен искә төшерде һәм гадәттән тыш хәлләрдә ничек эш итәргә кирәклеге турында сөйләде.

         Әти- әниләр эштән кайтуга вакыт табып балалар белән төрле темаларга әңгәмәләр алып барырга тиеш. Гади генә сөйләшү дә зур бәла- казаларны булдырмый калырга мөмкин. Балаларны төрле хәвефләрдән бергәләп саклыйк.