Әй сез, татар әбиләре,

                     Нур сибә йөзләрегез.

                     Шуңа күрә дә яз сыман

                     Сезнең чал йөзләрегез.

                     Чәчләргә ак карлар яусалар да ,

                     Язлар яши сезнең күңелдә.

                     Өйрәнсеннәр яшьләр, сезгә карап,

                     Сокланырлык тормыш төзергә.

Кичәбезне "Әбекәй - алтыным, минем иң якыным" дип атадык. Кадерлеләрдән-кадерлерәк, сөйкемлеләрдән-сөйкемлерәк, шәфкатьле, миһербанлы, олы җанлы әбиләребезгә балалар үзләренең шигырьләрен, җыр-биюләрен бүләк иттеләр. Шулай ук балалар һәм әбиләр  кызыклы уеннарда катнаштылар. Әлбәттә, бәйрәм бүләксез булмый, нәниләр зур көч куеп әзерләгән бүләкләрен яраткан әбиләренә бүләк иттеләр. 

Без әбиләребезгә исәнлек-саулык, балаларының, оныкларының игелекләрен күреп, муллыкта яшәүләрен теләп калабыз.