Безнең бакча янында

Шау-гөр килә киң болын.

Сабан туе бәйрәмен,

Уздырыйк әле быел. 

Сабан туе, хезмәт туе,

Бәхет һәм шатлык туе, шул

Уйнап-көлеп, җырлап-биеп,

Күңел ачыйк бу юлы. 

Татар халкының сагынып көтеп алынган Сабантуй бәйрәме борынгы һәм яңа бәйрәм, халкыбызның гореф-гадәтләре, йолалары, җырлары һәм биюләре бергә кушылган хезмәт бәйрәме. Быел без дә балалар белән Сабантуй бәйрәменә сөлге җыярга, бирнә тупларга булдык, бирнә җыю җыр-бию белән үрелеп барды. Бәйрәмнең кульминациясе - МӘЙДАН иде. Биредә кашыкка йомырка салып йөгерү, чүлмәк вату, бүләкләр кисү, аркан тартыш, капчык киеп йөгерү һәм башка бик күп төрле уеннар уйнатылды. Балалар һәм әти-әниләр уеннарда бик теләп катнаштылар, үзләренең көчләрен, җитезлекләрен, өлгерлекләрен сынадылар. Бәйрәмнән балалар, әти-әниләр, бакча хезмәткәрләре бик кәнәгать калдылар.