Бүген укучыларыбыз Пушкин картасы белән "Сезне Ватан онытмас!" мелодрамасын тамаша кылып кайттылар. Спектакльнең нигезен Бөек Ватан сугышы вакытында хәрәкәттәге армиянең хуҗалык һәм каравыл частьларында рядовой солдат булып хезмәт иткән күренекле язучы Әмирхан Еникиның «Бала», «Кем җырлады?», «Ана һәм кыз» хикәяләре тәшкил итә. Әдипнең мәктәп программаларында лаеклы урын алган өч хикәясе буенча эшләнгән әлеге спектакль берәүне дә битараф калдырмады. Ул сугыш китергән ачы хәсрәтнең, сугыш фаҗигасенең кеше тормышына ничек тәэсир итүен, халкыбыз күңелендәге яшәү көченең чиксезлеген, рухи куәтен чагылдыруы белән яшь тамашачылар йөрәгенә үтеп керде.
    Моннан тыш, «СЕЗНЕ ВАТАН ОНЫТМАС!» спектакле – яшь буында ватанпәрвәрлек хисләре уятуга, яшүсмерләрдә туган телебезгә, туган илебезгә карата патриотик рух тәрбияләүгә ярдәм итәчәк.