"Татарча диктант - Яз" акциясе дәвам итә. Акциядә катнашучыларның иң яшенә 11, иң өлкәненә декабрьдә 60 тула. "Мәктәп елларыннан бирле диктант язган юк иде. Акциядә катнашып, үземне сынап карарга булдым", – ди Фирдәвес Василовна. Күмәк эш алдыннан, һәрвакыттагыча, мәктәптә бераз гына дулкынлану, каләм кыштырдату, фотограф билгеләү мәрәкәсе булып алды. Диктантны язып бетергәндә, милли үзаң уянып, аякка басты, бөтенесе эчке кичерешләре белән уртаклашты. Коллективка рәхмәттән башка сүз юк.