Мәктәп ашханәсе даими тикшерү астында. Дүшәмбе Роспотребнадзордан килсәләр, чәршәмбе ата-аналардан төзелгән комиссия ризыкның сыйфатын тикшерә. Порцияләр дөрес үлчәнәме, температура режимы сакланамы, аш пешерелә торган урын чисталык таләпләренә туры киләме, һ.б., һ.б. "Чын бәяне балалар бирә", - диләр бертавыштан комиссия вәкилләре. Без дә шул фикердә. Кашыклар берсен-берсе уздырып шылтырады, салат та бетте, тәлинкәләр дә бушады, рәхмәт сүзләре дә күп әйтелде. Балалар кеше хезмәтен, ризык тәмен бәяли беләләр! Иң уңган, иң тәмле пешерүчеләр безнең мәктәптә. Елмаеп каршы алалар, елмаеп озаталар!