Алар күптөрле. Уеннар көчлелек, җитезлек, төгәллек, түземлелек һәм башка сыйфатлар тәрбияли һәм сәламәтлекне ныгыта. Уеннардагы йөгерү, сикерү, әйберләр күтәрү, ыргыту, көрәшү һ. б. физик хәрәкәтләр кешенең активлыгын арттыра, кәефен күтәрә. Физик тәрбиянең кирәклеге халкыбыз чараларында да киң чагылыш таба: «Саулык - зур байлык», «Байлыкның башы - тазалык», «Егет кеше арысланга тиң кеше» һ. б.  кебек чаралар үтте. Физик тазалык, сәламәтлек иң элек хезмәт эшчәнлеге өчен кирәк. Халыкта физик чыныккан, сәламәт кеше тәрбияләү ка­милләшкән шәхес тәрбияләүнең төп өлеше итеп кабул ителә. Халык педагогикасында физик тәрбияне тормышка ашыруның иң мөһим һәм нәтиҗәле чарасы - халык уеннары. Уеннар физик тәрбия чарасы гына түгел, акыл, әхлак, матурлык-нәфислек тою чарасы да.