Сауш төп мәктәбендә укучы балалар җәйге ялларын кызыклы һәм күңелле, истә калырлык итеп үткәрү яклы, шуңа күрә “Балкыш” ял лагерена йөрүчеләр һәр көннәрен сәламәтлекне ныгыта торган һәм интеллектуаль яктан да файдалы уеннар белән уздырырга тырыша. Тәрбияче-әйдаманнар да укучыларның ялларын күңелле итеп оештыру өчен бөтен көчләрен куялар. Лагерьның дүртенче көнендә балалар спорт мәйданчыгында төрле уеннар уйнадылар, аннан спорт темасына викторина сорауларына җаваплар эзләделәр, рәсем ясадылар. Төштән соң, “Кино көне” уңаеннан, Ник Вуйчич турында кино карадылар. Калган буш вакытларында газета чыгардылар. Аннан балалар бүгенге көннән канәгать булып, өйләренә таралды.