21 нче февраль – Халыкара туган тел көне. Әлеге уңайдан Сауш төп мәктәбендә дә төрле чаралар үткәрелә. Дүшәмбе, 20 нче февральдә, патриот –шагыйрь Муса Җәлилгә багышланган шигырь уку бәйгесендә укучылар бик теләп катнаштылар. Барлык укучылар да үзләре өйрәнеп килгән шигырьләрен сәнгатьле сөйләделәр.

21е көнне “Туган телдә дәшсәм генә” дигән темага 5,6,8 нче сыйныф укучылары катнашында әдәби чара үткәрелде. Укучылар туган телнең әһәмияте, туган телебезнең киләчәге турында күңелләргә үтеп керерлек итеп чыгышлар ясадылар.

Туган телен саклап калуда, аны буыннан-буынга тапшыруда һәркем үзеннән өлеш кертсә иде. Әйдәгез, телебезне ямьсез сүзләр белән чуарламыйк, бер тел белән икенчесен бутамыйк, саф татарча матур итеп сөйләшик!

Сегодня 21 февраля в Саушской основной школе для 1-9 классов прошел утренник, посвященный ко дню родного языка.