Бу  истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә.  Шул  уңайдан   укытучыларның һөнәри бәйрәмнәре   Олы Мәтәскә урта мәктәбендә дә   зурлап билгеләп  үтелде. Укучылар үзидарәсе тарафыннан оештырылган “Авыр да, мактаулы да укытучы  һөнәре” дигән  әдәби-музыкаль кичә укытучыларның күңеленә хуш килде. Алар бүләк иткән дәртле җырлар, сәхнәләштергән күренешләр укытучылар күңелендә озак сакланыр. Ә  инде  бәйрәм  ахырында  укучылар  укытучыларга  чәчәк  букетлары  белән  чит  илләргә  барып    ял  итү  өчен  “юлламалар” бүләк  иттеләр.  Әлеге бүләк  укытучылар  өчен   истәлекле  сюрприз  булды.