15 сентябрьдә, бөек татар язучысы, сугышчан герой А.Алишның тууына 115 ел була. Шул уңайдан, Теләче 3 нче номерлы балалар бакчасында тәрбияләнүчеләр район балалар китапханәсенә кунакка чакырылды. Алар өчен «Абдулла Алиш - балалар язучысы» дигән китап күргәзмәсе төзелде, язучының тормышына һәм иҗатына багышланган, сораулар һәм табышмаклар белән үрелеп барган кызыклы презентация әзерләнде. Шулай ук, балаларга Алиш әкиятләре буенча мультипликацион фильмнар күрсәтелде. Абдулла Алиш күпкырлы сәләткә ия язучы, шигырь, пьеса, повесть яисә очерк булсынмы, аңа барысы да бик җиңел бирелә. Ләкин аның мавыгуы бер генә, ул шагыйрьнең киләчәктәге иҗат юлын билгели. Бу аның балаларга булган мәхәббәте. Шуңа күрә китап укучыларга А. Алиш әсәрләре һәрвакыт кызыклы, аның китапларын рәхәтләнеп укыйлар.