Теләченең 3 нче номерлы балалар бакчасында тәрбияләнүчеләр Теләче балалар китапханәсенә мавыктыргыч экскурсиягә бардылар. Китапханә хезмәткәрләре балаларны бик җылы каршы алдылар һәм китап дөньясына сәяхәт кылырга тәкъдим иттеләр.

Грипп вирусының киң циркуляциясе башлану һәм грипп белән авыручыларның эпидемиологик күтәрелүе сәбәпле безнең Теләче 3нче номерлы балалар бакчасында төрле профилактик чаралар үткәрелә.

Теләче 3 нче номерлы балалар бакчасы педагоглары бүген «Татарча диктант» татар теленнән дөньякүләм белем тикшерү акциясендә катнаштылар. Акция татар теленә һәм мәдәниятенә игътибарны җәлеп итү, тел белемен тикшерергә мөмкинлек бирү, әдәби татар телен кулланучыларның даирәсен арттыру һәм туган телгә карата мәхәббәт уятуга юнәлтелгән иде.

  8нче сентябрь көнне безнең Теләче 3нче номерлы  балалар бакчасында эшләүче бер төркем яшь хезмәткәрләр Алан җирлегендә “Яшьләр вакыты – мөмкинлекләр вакыты»дигән яшьләр акциясе кысаларында Ачык дискуссияләрдә катнаштылар. Алар бу чарада авыл җирлекләреннән килгән яшьләр командалары белән "Авыл көче" исемле эшлекле уенда үзләренең көчләрен сынадылар. 

Туган телләр һәм Халыклар бердәмлеге елы кысаларында  «Татарстан Республикасы территориясендә яшәүче халыкларның телләрен, гореф-гадәтләрен, мәдәниятләрен саклап калуга һәм үстерүгә юнәлдерелгән проектларны гамәлгә ашыруда муниципаль мәктәпкәчә белем бирү оешмаларына һәм муниципаль гомуми белем бирү оешмаларына ярдәм итү»грантына йомгак ясалды. Җиңүчеләр арасында безнең Теләче 3 нче номерлы балалар бакчасы да бар. Без «Дөньяны туган телдә таныйм» дигән проекты белән 500 000 сум күләмендә грант оттык. Афәрин! Без булдырабыз!

Бүген, янгын куркынычсызлыгы кагыйдәләрен үтәү һәм кисәтү максатыннан,  Теләче 3 нче номерлы  балалар бакчасында тәрбияләнүчеләр белән ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең баш белгече, эчке хезмәт майоры Тимерханов Л.М. әңгәмә үткәрде.

1 сентябрь бәйрәме һәрвакыт онытылмаслык, шатлыклы һәм шул ук вакытта дулкынландыргыч булып кала.

Бу бәйрәм күпмилләтле Татарстаныбыз халкының берлеген, дуслыгын, бердәмлеген гәүдәләндерә. Һәр татарстанлы өчен мәгънәле һәм мөһим булган бәйрәм – Республика  көне  белән  Теләченең 3нче балалар бакчасы коллективы  райондашларны кайнар тәбрикли, һәммәгезгә нык исәнлек, иминлек, һәрбер гаиләгә шатлык-сөенечләр генә алып килсен , хезмәт уңышлары телибез.  Киләчәктә дә шулай яшәгән төбәгебезне, республикабызны данлап хезмәт итик. Киләсе көннәргә ышаныч белән карыйк, газиз Татарстаныбыз хакына үзебезгә хас  тырышлык белән, җаваплылык тоеп эшлик. Бәйрәм белән! Республика көне котлы булсын!

20 август көнне Олы Кибәхуҗа балалар бакчасы базасында район мәгариф хезмәткәрләренең  август конференциясе кысаларында мәктәпкәчә белем бирү учреждениеләре мөдирләре өчен "Заманча мәктәпкәчә яшьтәге балалар. Мәгарифтә яңа алымнар" дигән темага секция утырышы узды.

2021 елның 18 августында Татарстан Республикасы Теләче авылының Үзәк паркында «Чиста булачак " яшьләр экологик хәрәкәте активистлары «Татарстанда Чиста булачак!»дигән экологик бәйрәм уздырдылар . Чарада безнең педагоглар да катнашты, Хәбирова Ф .Ф. мәктәпкәчә яшьтәге балалар белән мастер-класс үткәрде.