Безнең мәктәптә яңа уку атнасы гадәттәгечә иртәнге линейкадан башланды. Чара Дәүләт гимннары авазлары астында Россия Федерациясе һәм Татарстан Республикасы Дәүләт флагларын күтәрү тантанасы белән ачылды.

Линейка барышында үткән атнага йомгак ясалды. Укучыларны «Хезмәткә һәм оборонага әзер» (ГТО) Бөтенроссия физкультура-спорт комплексы значоклары белән бүләкләү өлеше линейканың аерым мизгеле булды. Балалар үзләренең булдыклылыгы, ихтыяр көче, максатчанлыгы һәм сәламәт яшәү рәвешенә мәхәббәте өчен лаеклы бүләкләр алдылар.

Гомуми мәктәп линейкасы тәмамлангач, барлык сыйныфларда «Мөһим нәрсәләр турында сөйләшүләр» курсының традицион дәресләре узды. Узган дәресләр темасы илебезнең казанышлары тарихына һәм Россиянең бөек мәдәни мирасына багышланган иде.

1-5 сыйныф укучылары өчен атна темасы Россиянең тимер юллары тарихы булды. Укучылар Россиядә тимер юллар төзүнең һәм үстерүнең мавыктыргыч тарихы белән таныштылар.

6-11 сыйныф укучылары бөек сәнгать белән таныштылар. Балалар легендар балерина Галина Сергеевна Уланованың илебез һәм дөнья мәдәниятенә керткән зур өлеше турында белделәр.