Җәйге каникуллар вакытында Олы Нырсы авылылының МЧС  хезмәткәре җәйге лагерьда тәрбияләнүче балалар өчен тормыш куркынычсызлыгының дәрәҗәсен күтәрүгә юнәлдерелгән өстәмә чара үткәрде. Очрашу барышында кунак балаларга янгын куркынычсызлыгы чаралары, гадәттән тыш хәлләрдә саклану ысуллары, янгын килеп чыгу сәбәпләре турында  МЧС хезмәтенә мөрәҗәгать иткәндә диспетчерга нәрсә әйтергә кирәклеге турында сөйләде. Барлык этаплары да бер-бер артлы бәян ителде. Инспектор янгын сүндерүчеләргә ничек мөрәҗәгать итәргә кирәклеген күрсәтте. Очрашу нәтиҗәләре буенча кунак барлык катнашучыларга балалар куркынычсызлыгы буенча белешмәлекләр тапшырды.