Олы Нырсы урта мәктәбендә Теләче районы участок урманчысы Галяветдинов Ринат Самат улы белән очрашу булып узды. Ул балаларга урманның кеше тормышындагы әһәмияте, хайваннар һәм үсемлекләргә антропоген йогынты нәтиҗәләре турында сөйләде. Ул укучыларның игътибарын безнең авыллар янындагы урманның көнкүреш калдыклары белән пычрануына, урманда үз-үзеңне тоту кагыйдәләрен үтәүгә юнәлтте. Урманда яшәүчеләр турында укучылар бик күп кызыклы мәгълүмат алдылар. Балалар урман хезмәткәре һөнәренең ни дәрәҗәдә катлаулы булуы, урман янгыннары турында, янган участок табылганда үзеңне ничек тотарга һәм башка күп кенә сораулар бирделәр. Алар, үз чиратында, дәрестән тыш дәресләрдә урманны саклау өчен нинди файдалы эшләр белән шөгыльләнүләре турында сөйләделәр. Очрашу бик файдалы булды..