Борын-борын заманда кешеләр ни өчен яз булганын белмәгәннәр ,ди.Алар язны җылы яклардан кара каргалар алып килә икән дип уйлаганнар.Шуның өчен карлар эреп,сулар ага башлагач,каргалар килү хөрмәтенә бәйрәм ясый торган булганнар.Аны “карга боткасы” дип атаганнар.Аланда уйнаганнар,җырлаганнар,күңел ачканнар.Ахырдан ботка ашый торган булганнар.Без дә шушы йоланы искә төшереп бакчабызда карга боткасы бәйрәме үткәрдек.Балалар йорттан йортка кереп күчтәнәчләр җыеп йөрделәр. Пешерүче апалары алар кайтышка ботка пешереп куйды. Балалар урамда каргаларга рәхмәт әйтеп ботка ашадылар.Кошлар турында шигырьләр сөйләделәр, табышмаклар әйттеләр. Бәйрәм бик күңелле үтте.