Милли мәдәниятләр һәм гореф-гадәтләр елы кысаларында  7 апрель көнне Теләченең 3 нче номерлы балалар бакчасы мәгариф бүлеге белән берлектә “Асылташлар” районкүләм бәйгесен уздырды. Бәйгенең максаты- үсеп килүче буынның ата-бабаларыбызның тарихи-мәдәни мирасы белән кызыксынуын арттыру,  гаиләгә, гаилә кыйммәтләренә аңлы мөнәсәбәт формалаштыру,  балаларның иҗади мөмкинлекләрен үстерү һәм милли мәдәниятнең төрлелеген ачып бирә торган халык традицияләренә якынаю.  Бәйге тәлапләре буенча, балалар  үзләре белән таныштырдылар, сәләтләрен күрсәттеләр. Бу конкурста безнең балалар бакчасыннан да Мөхәмәдиев Сәмир һәм Нигмәтҗанова Назгөл катнашты. Сәмир "Халык мәхәббәтен яулаучы", Назгөл "Иң матур җырчы" исеменә лаек булды.Һәр катнашкан бала диплом һәм истәлекле бүләк белән бүләкләнде.