Ел саен без балалар бакчасында балаларны яклау көненә багышлап балалар сабантуе үткәрәбез. Ә сабантуй алдыннан бирнә җыю оештырыла. Безнең авыл халкы балаларның бирнә җыюларын көтеп ала. Һәр йорт бирнә бүләкләрен теләп, сөенеп бирә. Быел да без бирнә җыюны оештырдык. Балаларның күңелләрен күреп , бирнә бүләкләре тапшырган һәр авылдашка бик зур рәхмәт! Бүләкләр бик күп җыелды. Алар иртәгә буласы сабантуйда бәйрәмгә килгән һәр балага биреләчәк. Шулай ук җыелган бүләкләрдән лоторея уены да оештырыла.