20 нче майда Казанның «Тулпар» стадионында спорт бәйрәме булды, анда Татарстанның 14 районыннан 32 иң көчле команда очрашты. Өч йөздән артык катнашучы ике яшь категориясендә алтын медальләр һәм кубок өчен көрәште, алар арасында — муниципаль этапта үзләрен җиңүче итеп күрсәткән Алан урта мәктәбе командасы да катнашты.

Кадерле егетләр, яшь спортчылар һәм бүгенге көннең чын геройлары!

Сезне чын күңелдән «Уенда бул «тег-регби буенча мәктәп лигасы» республика финалында катнашуыгыз белән котлыйбыз!

Һәр уен чын спорт дәрте, киеренкелек һәм якты хисләр белән тулы. Сез бик яхшы физик әзерлек кенә түгел, тиз арада карар кабул итә, командада эшли һәм соңгы секундка кадәр көрәшә белүегезне дә күрсәттегез. Сезнең тырышлыгыгыз, җиңүгә омтылышыгыз һәм көндәшегезне хөрмәт итүегез — барысы өчен дә лаеклы үрнәк!

Әлеге укучыларның тренеры-Зәйнетдинов Р.Ф. Уңышларыгыз өчен Сезгә рәхмәтлебез. Алга таба да эшегездә зур уңышларга ирешергә насыйп булсын.

Аерым рәхмәт сүзләрен без сезнең әти-әниләрегезгә юллыйбыз. Сезнең кайгыртуыгыздан һәм игътибарыгыздан башка мондый уңышка ирешеп булмас иде. Ярдәмегез, сабырлыгыгыз һәм балаларга ышанычыгыз өчен рәхмәт!.