1 апрель- Халыкара кошлар көне. Бу көн гүзәл табигатебезгә һәм канатлы дусларыбызга хөрмәт тәрбияләү көне буларак та билгеләп үтелә.  «Акчәчәк» балалар бакчасында  «Кошлар канатлы дуслар» дип исемләнгән тематик сәгать үткәрелде. Әлеге чараның төп максаты-кошларның табигатьтәге һәм кеше тормышындагы күпкырлы әһәмияте, төрләре, аларны саклау турында мәгълумат җиткерү. Балалар кошлар турында шигырьләр сөйләделәр, җырладылар, мәкаль һәм әйтемнәрне искә алдылар, әдәби викторина сорауларына да бик теләп җавап бирделәр. Кичә ахырында әти-әниләре ярдәмендә ясаган исыерчык оялары янында фото төштеләр. Бу балалар, һичшиксез, игелекле, туган җирен яратучы булып үсәрләр.