"Гиндукуш" музее коллективы "Гөлчәчәк" балалар бакчасына күчтәнәчләр бүләк иттеләр.Ярышларда катнашып балалар белән бергә күңел ачтылар,уйнадылар,көлделәр.Сабыйлар белән аралашу һәммәбезгә дә бик ошады.

26 нчы апрель көнне "Гөлчәчәк" балалар бакчасында Г.Тукай көненә багышланган "Язлар алып киде Тукайны" дигән шигырь бәйрәме үтте. Балалар Г.Тукай сүзләренә язылган җырлар,әкиятләр,шигырьләр тыңладылар,үзләре башкардылар.Г.Тукайның иҗаты,тормыш юлы турында яңа белемнәр алдылар, шигырьләрен сөйләү буенча осталыкларын күрсәттеләр.Тукай әсәрләренә карата рәсем, китап күргәзмәләре балаларда зур кызыксыну уятты.