Бүген барлык халык көтеп алган иң матур һәм күркәм бәйрәмнәрнең берсе - Җиңү бәйрәмен үткәрдек мәктәптә. Билгесез солдат һәйкәле янына авылыбызның тыл ветераннары, сугыш ветераны - Гараев мансур абый,  кунак апалар һәм абыйлар, авыл халкы җыелган иде. Бәйрәмне авыл җирлеге башлыгы - Зиннур Масгут улы башлап җибәрде, аннары сүз мәктәп директоры Миргасим Галимҗан улына, Якты юл гәҗите баш редакторы Инзилә Маннуровнага һәм "Ирек" җитештерү кооперативы рәисе Рөстәм Рәхим улына бирелде. Алар барысы да һәйкәл каршына чәчәкләр куйдылар. Бәйрәмне 7,8нче класс укучылары дәвам итте, алар шигырь сөйләделәр, җырлар җырладылар, бер минутлык тынлык белән сугышта һаләк булганнарны, кайтып үлгәннәрне  искә алдылар. Бәйрәм азагында күккә тынычлык билгеләре ак күгәрченнәр очыртылды.