Сезне матур бәйрәмегез белән чын күңелдән тәбриклибез. Ныклы сәламәтлек, бәхет, якыннарыгызның хөрмәтен һәм сөюен, иминлек, бөтен изге эшләрегездә яңадан-яңа уңышлар телибез!

Бәйрәм белән!

За участие в общероссийском проекте "Школа цифрового века"  наша школа, директор нашей школы Мавлявиев Нуриман Шайхенурович и учительница информатики Шакурова З.Г. награждены дипломами оргкомитета.

Новотроицк мәктәбендә узган "Класс җитәкчеләре" конкурсының финал турында безнең мәктәпнең химия-биология укытучысы Фарваева Фирүзә Мусавировна "Самый эрудированный" номинациясенә лаек булды. Аны чын күңелдән бу уңышы белән котлыйбыз.   

Авыл мәдәният йортында үткән "Патриотик җырлар" конкурсында мәктәптән 9 нчы класс укучысы Сафина Чулпан һәм 5 нче класс укучысы Фарваева Гүзәл  бик уңышлы чыгыш ясадылар.

20 февраль көнне 1, 3 класс укучылары ярдәме белән әзерләнгән "Әти, әткәй, әткәем" дип исемләнгән кичә узды. Аны башлангыч класслар укытучысы Шайдуллина Кәдрия Салихзяновна әзерләде. Бәйрәмгә укучыларның әтиләре һәм Әфган сугышында катнашкан ветераннар чакырылды. Бәйрәм чәй өстәле артында тәмамланды.

Иске Абдул урта мәктәбендә 27 ел гомерен математика фәнен укытуга багышлаган Зөлфия Галимҗан кызы Гыйльфанованың якты бәйрәме – 50 яшьлек юбилее белән ихлас котлыйбыз.

Зөлфия Галимҗановна!

Сез күп еллар дәвамында укучылар күңеленә ачкыч табып, аларга маяк булып алга әйдәүче, яктылыкка омтылучы мөгаллимә. Сезнең һөнәри осталыгыгыз, күңел җылыгыз, кирәк чакта таләпчән булуыгыз, балаларның сәләтләрен ачуда бик нык ярдәм итә.

Бәйрәмегез белән котлап, сезгә сәламәтлек, гаилә бәхете, балаларыгызның һәм якыннарыгызның яратуын, хезмәттәшләрегезнең ихтирамын тоеп яшәвегезне телибез.

Алдагы тормышыгызда һәр көнегез сөенечкә бай булып, үзегезнең зур уңышларга ирешүегезне телибез.

Салкын карлы кышта тусаң да син,

Яз кояшы һәрчак күңелеңдә.

Һәрвакыт йөзең көләч булсын,

Балкып яшә гомер-гомергә.

Состоялся утренник  п о случаю 24-й годовщины выведения ограниченного контингента российских  войск с территории Демократической Республики Афганистан.

Тыныч көннәрдә үзенең хәрби хезмәт юлын үткәндә 18 яшьлек Хуҗин Рамиль фаҗигале рәвештә һәлак булды. Безнең мәктәп укучылары аны бер минут тынлык белән искә алды.

Безнең мәктәпнең 7-8 класс укучылары Княз мәктәбендә үткән Зарница уенында катнашып, 3 нче урынны алып кайттылар.

15 нче февраль көнне классларда герой шагыйрь Муса Җәлилнең туган көне билгеләп үтелде. 5 нче класста - КВН, 7 нче класста-Йолдызлы сәгать, 8 нче класста - Тамчы-шоу, калган классларда әңгәмәләр оештырылды.