Бакчабызда балалаларны яклау көнендә балалар белән Кече сабантуй үткәрдек.Авыл янындагы болынга чыгып рәхәтләнеп уеннар уйнадык:йөгереп ярыштык,капчык киеп йөгердек,күз бәйләп чүлмәк ваттык,малайлар сөлге тотып бил алыштылар.Тамаша карарга килгән укучы балалар да,әти-әниләр дә бу уеннарда бик теләп уйнадылар.Балалар да бу бәйрәмдә бүләксез калмадылар.Сабантуй бүләкләре һәр баланы да бик сөендерде. Ә бүләкләр белән безне С.Сәйдәшев исемендәге хуҗалык рәисе Марат Тәлгатович һәм Бариевлар гаиләсе сөендерде.Аларга без бик зур рәхмәтле. Балалар белән ялыбыз искиткеч күңелле үтте.