Бакчабызда 5-нче март көнне 8 Март – халыкара хатын-кызлар бәйрәменә багышлап “Сихри утрауга сәяхәт” дип аталган кичә үтте. Иң беренче итеп әниләребезгә багышланган презентация күрсәтелде. Бәйрәмебезне эзләнү проекты итеп үткәрдек. Балалар төрле тылсымлы эзләнүләр аша әниләргә бүләк итәргә чәчәк эзләделәр. Шөгыль ахырында балалар әниләргә үзләренең өйрәнгән һөнәрләрен күрсәттеләр һәм лалә чәчәге белән бергә үз куллары белән ясаган бүләкләрен тапшырдылар. Бәйрәмебез бик күңелле үтте. Әниләрне һәм әбиләрне тәмле коймак һәм чәй белән сыйладык.