Бу кечкенә бакчачык мәктәпкә әзерлек төркеме  балалары  куллары белән эшләнде.  Балалар суган утырту, томат, чәчәк  орлыклары утырту эшенә җиң сызганып алындылар. Аларның бакчага килүгә беренче эшләре -  бакчачыкларының  хәлен белү. Чиратлап суын да үзләре сибәләр. Шул рәвешле балаларыбыз әйләнә-тирә мохит белән танышалар,  үсемлекләр өчен кирәкле шартларны ачыклыйлар. Балаларыбыз шәхси хезмәтләренең "җимешләрен" күреп бик куаналар. Эш барышында алар тел байлыкларын да үстерәләр. "Туфрак", "орлык", "үсенте"  кебек сүзләрнең мәгънәләрен алар хәзер үзләре аңлатып бирә алалар.